يقول ارجوك لاتــزعل وسامحني علــى التقــصير
بـدايه قالــها مــدري وش اللـــي وســـط غـــايـاتـه
عقـب طـول الفـراق ولهفة الاشــواق والتصــوير
خلـق بـعض الفضــول اللي جرحني في متـاهـاتـه
وقلــت العـلم بـلغني عـــسى تــالي علومــك خــير
وســاق أعــذب معـــاذير الكــلام وســاق عبراته
عــرفت انــه نــوى الصــده ولـكن خانـه التعبــير
وانــا مـالي ورى شـخص يغـــير حســـن نــياتـه
سكت ولاذكـــرت من العتــاب اللي بقـــوله غـير
عــسي درب الســـلامه يــزهر فـدربك مـسافاته
عـساها تـستوي فـي وجهك الخيـرات والتيســير
وأنا كلــي عــتب لــو ينــطق لســاني بشرهاتـــه
سكـت ولالي الا هالسـكوت وكـل شـــي يــصير
علــيه يازمـــــان في رحلـتي واللــي بقى هاتـــه
سـوا جينا "مــشاوير الغــرام"بـصدفة التـأثير
غريب وشاف في دربـه غريــب ولــمس ونــاته
وتبادلنا المشاعر والمشاعر دون غـصب تـسير
وتجاهلت الصحيح وغلطت الشاطر وحسراتــه
كذا يقدم على الصــده بلا غـــلطه ولا تفســــير
وأنا اللي صنت مجهول الليال وصنت غــــيباته
صحيح صغير في عمره وأنا عقلي مهو بصغير
وتــركـته للــــــــيال وغايــب الدنـــيا ونـــزواته
أعرف أنه يبا يــــندم وأعرف أن الزمان قصير
وأعــــرف أن اللـــيالي تنبه الجـــاهل بــغلطاته
كـــثير صــدوف مــرتنــي تمـر ولالـها تأثـــير
يالـــين الحـب بين لي غثــاه وكـــثر هــفواتــه