روح عسى ربي يسدد خطاويك
و أنا لي الله في بقايا حياتي
روح معه يا رب يوم يهنيك
مانت النهاية و في فراقك وفاتي
ما عاد قلبي يتحرى و يبغيك
و لا عدت إلا صورة في ذكرياتي
سنين عمري و قلبي اللي يخاويك
صاحوا بوجهك لا تعود و تحاتي
عندي كرامة تمنع إني أماشيك
و هذي قناعة نابعة من سماتي
عاهدت نفسي يوم تسرح و تطريك
أزعل عليها لين تقتنع بذاتي
ماني أول من نسى وقلت ناسيك
و لا إنته يهمك لو تشوف اعبراتي
و لاني صحرى بالمشاعر تأذيك
و لا إنته بحبك مثل نهر الفراتِ
أنذرت نفسي بكل ما فيني أعطيك
روحي و قلبي و كل زين بصفاتي
و إنته عطيت القلب من غدر ماضيك
روح الخيانة في حياتك تباتي
ما عدت هاجس في حياتي و لا أبيك
و لا عاد حبك من صميم أمنياتي
كمل بلعبك و اشعل النار بيدك
بس لا تقرب من طريقي وحياتي