أإأإأهــدأإأإأ للي في بالي:
غيـرك يغيـب ولا خطرلـي على بـال .. والا انـت من غبـت إنشغـل فيـك بالـي
يـوم ابعـدوا وابعـدت عنـي بالأميـال .. ماارخصتهـم بـس انت لازلـت غالـي
هـذا مكانـك داخـل القلـب مـازال .. وأعـرف قلبـك ماسكـن بـه بدالـي
واليـوم شفـت إن الجفـا بيننا طـال .. والصـدر ضـاق وخابـر إنـه شمالـي
عشـت الأمـل بهـلال واليـاس بهـلال .. واحتـرت مابيـن الرجـا والمحالـي
مـدري طويـت دروب ودروب رحـال .. والا هربـت لواقعـي مـن خيالـي
رجعـت لأيـام الصبـا بيـن الأطـلال .. شفـت الوفـا فيهـن بقالـه توالـي
جيـت بملامـح غيـر وشمـاغ وعقـال .. وماكنـي اللـي غـاب عنهـن ليالـي
كنـا هنـا نجلـس عـن الشمـس بظـلال .. وهنـاك نذكـر مـر الأيـام حالـي
عشنـا بهـن آمـال واندفنـت آمـال .. كانـت سنيـنٍ ماضيـاتٍ خوالـي
واليـوم غيـر الوقـت والوقـت ميـال .. لـو طحـت ماحولـك رفيـقٍ موالـي
يفـداك منهـو ما سألنـي عـن الحـال .. فـي موقـفٍ قاسيـت مـره لحالـي
وإن قلـت لـي دمعـك علـى الخـد ماسـال؟ .. أقـول حـاول واستحـى مـن ظلالـي
وأنـا تحملـت المـواقف والأهـوال .. ولا فيـه موقـف ما قـواه احتمالـي
ماغيـر موقـف ماخطرلـي علـى بـال .. صدمـه وجتنـي مـن عزيـزٍ وغالـي