فيني إحساس غريب ما عمري شهدته
ودي أحب وقلبي يحذرني ويوصيني
***
أخاف أفتح قلبي بعد ما قفلته
وأصير ضحية فراق يدمرني وينهيني
***
يا صاحبي اللي بالأمس صارحته
أخاف أقرب أكثر وأعلقك فيني
***
ويصير العكس واتفاجأ إن قلبي علقته
وتبعد وفراقك يذبح قلبي ويكويني
***
من عرفتك الفرح حول قلبي زرعته
ووقت لقياك ترتسم الفرحه بعيني
***
أحيان أفكر خلي لو إني هجرته
ورحل فجأه وتركني مهموم وحزيني
***
كيف أقوى فراقه بعد ما احتضنته
وكيف أعيش بدونه باقي سنيني
***
تايه وحيران وأحس عقلي فقدته
كل هالصفات الثلاث تجمعت فيني
***
ياصاحبي باشكرك لو قلبي ساعدته
وعلمتني الصحيح وعالجت قلبي الدفيني